ہم زمین اور زیر زمین لڑ رہے ہیں، حماس ابھی بھی مضبوط ہے: اسرائیلی فوج

(روز نامہ قدس ۔آنلائن خبر رساں ادارہ )   اسرائیلی فوج نے خان یونس میں 2 ہزار سے زائد مزاحمت کاروں کو شہید کرنے کا دعویٰ کیا ہے ا س کے ساتھ غیر معمولی مزاحمت  کا ابھی اعتراف کیا ہے۔

غیر قانونی صیہونی ریاست اسرائیل کی نام نہاد فوج کے ترجمان ڈینئل ہگاری نے گذشتہ روز ایک پریس کانفرنس میں   اس بات کا اعتراف کیا ہے کہ غزہ میں اسرائیلی فوج کو ابھی بھی غیر معمولی مزاحمت کاسامنا ہے، انھوں نے کہا کہ ہم غزہ میں زمین اور زیر زمین لڑ رہے ہیں حماس ابھی بھی مضبوط ہے۔

انہوں نے کہا کہ فوج غزہ کے جنوب میں واقع خان یونس پر دباؤ جاری رکھے گی۔ فوج اب تک خان یونس میں حماس کے دو ہزار سے زائد حماس کے جنگجوؤں کو شہید کر چکی ہے تاہم حماس ابھی بھی مضبوط پوزیشن میں ہے۔ انہوں نے کہا کہ”ہم غزہ سے یرغمالیوں کی واپسی کے لیے تمام کوششیں جاری رکھیں گے۔”