(روز نامہ قدس ۔آنلائن خبر رساں ادارہ ) فلسطین کے مقبوضہ مغربی کنارے کے شمالی شہر جنین کے جنوب میں واقعہ قبطیہ کے مقام پر اسرائیلی فوج کی فائرنگ سے کم سےکم دو فلسطینی شہری شہید متعدد زخمی ہوگئے۔
فلسطینی ذرائع کے مطابق آج صبح غیر قانونی صہیونی ریاست کی نام نہاد سیکیورٹی فورسز نے مقبوضہ غرب اردن کے متعدد مقامات پر چھاپہ مار کارروائیوں کے ساتھ روایتی لوٹ مار کا سلسلہ شروع کیا جس کے خلاف بہ طور احتجاج فلسطینیوں نے مزاحمت کی اس دوران صہیونی فورسز اور فلسطینی مزاحمت کاروں کے درمیان پرتشدد جھڑپیں دیکھنے کو ملیں۔
غاصب فورسز نے مقبوضہ مغربی کنارے کے شہر جنین کے جنوب میں جبہ قصبے پر دھاوا بولا اور مزاحمت پر اندھا دھند فائرنگ اور آنسو گیس کی شیلنگ کی جس کے نیتجے میں 24 سالہ نوجوان عزالدین باسم حمامرہ اور 23 سالہ امجد عدنان خلیلیہ شہید ہوگئے ، دونوں کا تعلق جبہ قصبے سے بتایا گیا ہے۔