(روزنامہ قدس ۔آن لائن خبر رساں ادارہ) ترک حکام کے اسرائیل سے مزید تعلقات کے خلاف مشتعل شہریوں نے” اسرائیل مردہ باد” اور” امریکہ مردہ باد” کے نعرے بھی لگائے جبکہ مزاحمتی تحریکوں کی حمایت میں بھی "جہاد کو سلام” اور "حزب اللہ کو سلام” جیسے نعرے لگائے گئے۔
تفصیلات کے مطابق گذشتہ روز قابض ریاست اسرائیل کے صہیونی صدر اسحاق ہرزوگ کی آمد پر ترک عوام کی جانب سےشدید رد عمل سامنے آیا ہے اور کئی شہروں میں عوام نے ناجائزریاست کے ساتھ تعلقات کے اس نئے دور کے خلاف بڑے پیمانے پراحتجاجی مظاہرے کیے گئے،ترکی میں یہ مظاہرے صہیونی صدر کے ترک پہنچنے سے ایک ہفتے پہلے سے شروع ہو گئے تھے جس میں شہریوں کی جانب سےبارہا اسرائیل کے پر چم کو بھی نظر آتش کیا گیا۔
صہیونی صدر کے ترکی پہنچنے پر انقرہ، استنبول، غازیانتپ، بردور اور دیگر کئی شہروں میں مظاہرین نے صیہونیوں کے پرچم کو نذر آتش کیا اور فلسطین، حزب اللہ اور انصار اللہ کے جھنڈے اور شہید لیفٹیننٹ جنرل قاسم سلیمانی کی تصویریں اٹھائیں اور نعرے لگائےکہ”ہم سب قاسم سلیمانی ہیں”۔
ترک حکام کے اسرائیل سے مزید تعلقات کے خلاف مشتعل شہریوں نے ” اسرائیل مردہ باد” اور ” امریکہ مردہ باد” کے نعرے بھی لگائے جبکہ مزاحمتی تحریکوں کی حمایت میں بھی "جہاد کو سلام” اور "حزب اللہ کو سلام” جیسے نعرے لگائے گئے۔
واضح رہے کہ اسحاق ہرزوگ ترکی کے دارالحکومت انقرہ میں پہنچے ہیں ان کا دورہ ترکی 2008 کے بعد کسی اسرائیلی رہنما کایہ پہلا دورہ ہے اور اس نے ترک شہریوں، فلسطینی عوام اور مزاحمتی گروپوں کے ساتھ ساتھ خطے کی مسلم اقوام کی طرف سے مذمت کی لہر دوڑادی ہے۔