(روز نامہ قدس ۔آنلائن خبر رساں ادارہ ) ترک صدر نے اسرائیلی ہم منصب سے دونوں ممالک کے تعلقات اور علاقائی مسائل پر گفتگو کی۔
ترکی کے ایوان صدر سے جاری ہونے والے بیان میں بتایا گیا ہے کہ صدر رجب طیب ایردوآن کا اپنے اسرائیلی ہم منصب اسحاق ہرزوگ سے ٹیلی فونک رابطہ ہوا ہے ، ترک صد رنے نے کہا ہے کہ دونوں ممالک کے درمیان سفیروں کے دوبارہ تبادلے کا فیصلہ تعلقات کو مثبت سمت میں آگے بڑھانے کے لیے ایک "اہم قدم” ثابت ہوگا۔
یہ بھی پڑھیے
ترکی اور اسرائیل کے تعلقات کی بحالی
بیان میں کہا گیا ہے کہ ترکی "باہمی حساسیت کے احترام کے پہلوؤں کی بنیاد پر تعاون اور بات چیت کو مضبوط بنانے کو ترجیح دیتا ہے۔ دونوں صدور کے درمیان ہونے والے رابطے میں دونوں ممالک کے تعلقات اور علاقائی مسائل پر بات ہوئی۔
اس سے قبل اسرائیلی وزیراعظم ہاوس سے جاری کردہ بیان میں اسرائیلی وزیر اعظم یائر لپیڈ نے اعلان کیا تھا کہ ان کی حکومت دونوں ممالک (اسرائیل اور ترکی )کے درمیان برسوں کی کشیدگی کے بعدمکمل سفارتی تعلقات بحال کرے گی۔
ترکی کے ساتھ تعلقات کی بحالی علاقائی استحکام کے لیے ایک اہم فائدہ اور اسرائیلی شہریوں کے لیے ایک بہت اہم اقتصادی خبر ہے۔