(روز نامہ قدس ۔آنلائن خبر رساں ادارہ) فلسطین کے مقبوضہ مغربی کنارے کے شمالی شہر طولکرم میں ایک ہوٹل پر بزدل صہیونی فوج نے بے رحمانہ حملہ کیا ہے جس میں کم سے کم 20 فلسطینی شہید اور درجنوں زخمی ہوگئے ہیں۔
فلسطینی وزارت صحت کی جانب سے جاری کردہ رپورٹ کے مطابق غیر قانونی صیہونی ریاست کی نام نہاد فوج نے گذشتہ روز شمالی مغربی کنارے کے شہر طولکرم کے عین شمس کیمپ میں الحمام محلے کے ایک مشہور کیفے پر بمباری کی جس کے نیتجے میں 20 فلسطینی شہید جبکہ درجنوں دیگر زخمی ہوگئے۔
صیہونی حملے میں ایک ہی خاندان کے 4 افراد بھی شہید ہوئے جن میں ایک خاتون، ان کے دو بچے اور ایک بھائی شامل ہے۔
ذرائع کا کہنا ہے کہ صیہونی فوج کے اس آپریشن کا مقصد بہ ظاہر مزاحمت کار غیث رضوان کو شہید کرنا تھا جو کہ طولکرم بریگیڈ کے رہ نماؤں میں سے ایک تھے۔
دوسری جانب غاصب صیہونی ریاست کے میڈیا کا کہنا ہے کہ دوسری انتفاضہ کے بعد پہلی بار کسی جنگی طیارے نے مغربی کنارے میں طولکرم میں ایک عمارت پر بمباری کی۔