(روز نامہ قدس ۔آنلائن خبر رساں ادارہ ) شہداء میں سب سے زیادہ 64 کا تعلق مقبوضہ مغربی کنارے کے شہر جنین سے ہے۔
مرکزاطلاعات فلسطین "ماتی” کی جانب سے جاری کردہ رپورٹ میں انکشاف کیا گیا ہے کہ رواں سال 2023 کے آغاز سے اب تک غیر قانونی صیہونی ریاست اسرائیل کی نام نہاد سیکیورٹی فورسز نے اپنی دہشتگردانہ کارروائیوں میں بچوں اور خواتین سمیت 205 فلسطینیوں کو بے رحمی سے شہید کردیا ہے۔
رپورٹ کے مطابق شہداء میں سب سے زیادہ تعداد مقبوضہ مغربی کنارے کے شہر جنین سے ہے جہاں حالیہ چار بچوں سمیت 64 افراد کو شہید کیا گیا۔
شہداء میں دوسرے نمبر پر نابلس ہے جہاں 46 فلسطینیوں کو اسرائیلی فوج نے اپنی بربریت کا نشانہ بنایا جبکہ گذشتہ 16 سالوں سے صیہونی غیر قانونی معاشی ناکہ بندی کا شکار محصور شہر غزہ 37 شہداء کے ساتھ تیسرے نمبر پر ہے ۔
رام اللہ اور الخلیل شہر میں اسرائیلی فوجیوں نے 10 فلسیطنیوں کو شہید کیا ، مقببوضہ بیت المقدس میں 8 فلسطینیوں کو شہید کیا گیا ۔ چھ شہداء تلکرم میں، چار قلقیلیہ اور بیت لحم میں، دو طوباس اور سلفیت میں اور تین شہید ہوئے۔