(روز نامہ قدس ۔آنلائن خبر رساں ادارہ )صہیونی فوج کا کہنا ہے کہ آج رات گئے لبنان سےاسرائیل پر 34 راکٹ داغے گئے جس میں سے 25 کو اس کے فضائی دفائی نظام آئرن ڈوم نے ناکارہ بنادیا۔
فلسطین پر قابض غیر قانونی صہیونی ریاست اسرئیل کی نام نہاد فوج کے ترجمان کی جانب سے جاری کردہ بیان میں بتایا گیا ہے کہ گذشتہ شب لبنان کے سرحدی علاقوں سےاسرائیل کے مختلف علاقوں کو 34 راکٹوں سے نشانہ بنایا گیا جس میں سے 25 کو فضائی دفائی نظام آئرن ڈوم نے ناکارہ بنادیا 9 راکٹ اسرائیل کے مختلف علاقوں میں گرے تاہم صرف ایک شخص کے معمولی زخمی ہونے کی اطلاعات ہیں ،راکٹ حملوں سے کسی جانی یا مالی نقصان نہیں ہوا۔
صہیونی فوج کے ترجمان کے بیان میں مقبوضہ فلسطین کی مزاحمتی تحریک حماس کو ان حملوں کا ذمہ دارقرار دیا ہے ، ترجمان کا کہنا ہے کہ حماس نے یہ حملے لبنان کی مزاحمتی تحریک حزب اللہ کی اجازت سے کئے۔