(روز نامہ قدس ۔آنلائن خبر رساں ادارہ ) صیہونی تنظیم نے شدت پسند صیہونی آبادکاروں کو مسجد اقصیٰ کے خطیب سمیت آرچ بشپ "عطاء اللہ حنا،سمیت دیگر فلسطینی سیاسی اور مذہبی رہنما ؤں کے قتل عام پر اکسایا ہے اور ان کی حوصلہ افزائی کی ہے۔
فلسطینی ذرائع ابلاغ کے مطابق انتہائی دائیں بازو کی صیہونی تنظیم "وائس آف جیوز” نے تین روز قبل غیر قانونی صیہونی ریاست اسرائیل کے ایک سوچے سمجھے منصوبے کے تحت غیر قانونی صیہونی شرپسند آبادکاروں مقبوضہ فلسطین میں سرکردہ فلسطینی شخصیات کے قتل پراکسانےکےلئے اپنے کتابچے میں ان کے بطورخاص نام شائع کئے ہیں اور ان کو قتل کرنے پر انعام کا اعلان کیا ہے۔
انتہائی دائیں بازو کی صیہونی تنظیم "وائس آف جیوز” نے جن رہنما ؤں کا نام شائع کیا ہے ان میں مقبوضہ بیت المقدس کے مفتی الشیخ "عکرمہ صبری”اور مفتی القدس الشیخ محمد حسین” بھی شامل ہیں ان کے علاوہ آرچ بشپ "عطاء اللہ حنا،اندرون فلسطین عرب فالو اپ کمیٹی کے سربراہ کے علاوہ، "محمد برکا” اور دو الشیخ ” الشیخ رائد صلاح” اور "کمال الخطیب” بھی شامل ہیں۔