(روز نامہ قدس ۔آنلائن خبر رساں ادارہ ) صیہونی فوج نے غزہ میں ہر مربع کلومیٹر پر تقریباً 80 حملے کئے جس میں ہر ایک میزائل ایک ٹن سے زیادہ وزنی تھا۔
غیر قانونی صیہونی ریاست اسرائیل کے معروف عبرانی اخبار ’یدیعوت احرونوت‘ نے اپنی رپورٹ میں غزہ پر اسرائیلی وحشیانہ بمباری کی تفصیلات جاری کی ہیں جس میں بتایا گیا ہے کہ اسرائیل نے غزہ پر 7 اکتوبر کو وحشیانہ جنگ کے آغازکے بعد سے 29 ہزار اہداف کو بمباری سے تباہ کیا۔
غاصب فوج کے طیاروں نے تمام محاذوں پر 31,000 سے زیادہ اہداف کو نشانہ بنایا۔ ان میں تقریباً 29,000 غزہ میں ہر مربع کلومیٹر پر تقریباً 80 حملے کئے جس میں ہر ایک میزائل ایک ٹن سے زیادہ وزنی تھا۔
اسرائیلی فوج نے اس دوران کل 31,000 مقامات کو نشانہ بنایا جس میں لبنان کے ساتھ شمالی میدان میں تقریباً 1100 اہداف کو نشانہ بنایا گیا۔ قابض فوج کے اعداد و شمار کے مطابق 1100 لبنانی علاقوں میں جبکہ 29 ہزار غزہ میں تھے جس سے واضح نہیں ہے کہ باقی کے حملے کہاں کئے گئے۔
غاصب فوج نے بمباری میں غزہ کے رہائشی علاقوں کو نشانہ بنایا جس میں 15ہزار کے قریب بچوں اور 11 ہزار خواتین سمیت 29 ہزار سے زائد فلسطینی شہید اور 70 ہزار کے قریب زخمی ہوچکے ہیں۔
اخبارنے رپورٹ کیا کہ زمینی افواج نے تقریباً 7,000 حملے "نشانہ بنا کر کیے گئے”۔ تقریباً 26,000 حملے جنگی طیاروں کے ذریعے کیے گئے، 3,800 حملے فوجی ہیلی کاپٹروں کا استعمال کرتے ہوئے اور تقریباً 3,800 حملے ڈرون کے ذریعے کیے گئے۔