صہیونی فوج کا غزہ سے راکٹ حملوں کاالزام

(روز نامہ قدس ۔آنلائن خبر رساں ادارہ ) صیہونی فوج نے الزام عائد کیا ہے کہ غزہ سے داغا گیا ایک فلسطینی راکٹ غزہ سے ملحقہ ایک یہودی بستی کے قریب گرا۔

غیر قانونی صہیونی ریاست کے فوج کے زیر اثر چلنے والے ریڈیو نے اپنی رپورٹ میں فلسطینیوں پر الزام عائد کیا ہے کہ گذشتہ شام کو مقبوضہ فلسطین کے محصور شہر غزہ سے ایک راکٹ ملحقہ بستیوں کی طرف داغا گیا تاہم راکٹ کھلے علاقے میں گرا جس سے کوئی جانی نقصان نہیں ہوا۔

عبرانی چینل "کے اے این” نے اپنی رپورٹ میں بتایا کہ انتباہی سائرن کی آواز کے بعد بھی غزہ کی پٹی کے آس پاس کی بستیوں میں آئرن ڈوم کو فعال نہیں کیا گیا تھا۔

قابض فوج کے ترجمان نے ایک پریس بیان میں کہا کہ ایک میزائل غزہ سے داغا گیا جو شعار ہنگیف کے ایک کھلے علاقے میں گرا۔