(روز نامہ قدس ۔آنلائن خبر رساں ادارہ ) غزہ پر غاصب صیہونی فورسز کی جانب سے جاری بمباری اور فائرنگ سے اب تک ایک فلسطینی شہید جبکہ اٹھائیس سے زائد زخمی ہوگئے ہیں۔
فلسطینی ذرائع کےمطابق مقبوضہ فلسطین کے محصور شہر غزہ کے ساتھ صیہونی محاذ پر بڑھتی ہوئی کشیدگی میں اس وقت سامنے آئی جب مقبوضہ مغربی کنارے میں لڑائی اس سطح تک بڑھ گئی جو دو دہائیوں سے خطے میں نہیں دیکھی گئی۔
گذشتہ روز غیر قانونی صیہونی ریاست کی نام نہاد سیکیورٹی فورسز نےفائرنگ کرکے ایک فلسطینی نوجوان کو شہید کردیا تھا جس کے بعد فلسطینیوں نے اسرائیلی سرحد کے پاس بڑے پیمانے پر احتجاجی مظاہرہ کیا ، صیہونی فورسز نےمظاہرین کو منتشر کرنے کےلئے آنسو گیس کی شیلنگ کےساتھ براہ راست فائرنگ کی ، فلسطینیوں نے صیہونی ریاست پر آگ لگانے والے غبارے چھوڑے جس کے باعث اسرائیل کے بڑے علاقے میں درختوں اور جھاڑیوں میں آگ لگ گئی
فلسطینی محکمہ صحت کے حکام کا کہنا ہے کہ سرحدی باڑ پر احتجاج کے دوران اسرائیلی فائرنگ سے 28 فلسطینی زخمی ہوئے۔ گذشتہ ہفتے کے دوران ہونے والی بدامنی نے کشیدگی میں اضافہ کیا جس کے بعد اسرائیل کو غزہ کی پٹی سے ہزاروں افراد کو کام کے لیے دوسرے فلسطینی علاقوں میں جانے سے روک دیا۔