(روز نامہ قدس ۔آنلائن خبر رساں ادارہ ) گزشتہ تین سالوں کے دوران صیہونی ریاست کی فوجی برآمدات کے حجم میں پچاس فیصد اضافہ ہواہے، 2021 میں یہ برآمدات 11.4 بلین ڈالر کی تھیں۔
غیر قانونی صیہونی ریاست کے معروف عبرانی اخبار میں وزارت دفاع میں سیکورٹی اسسٹنس ڈپارٹمنٹ کے سربراہ بریگیڈیئر جنرل یائر کولاس کے شائع کردہ بیان کے مطابق حالیہ برسوں میں اسرائیل کی فوجی، سیکیورٹی برآمدات میں نمایاں اضافہ دیکھا گیا ہے، اس کی وجہ یہ ہے کہ اسرائیلی فوجی اشیا ترقی یافتہ، آزمائشی اور ہائی ٹیک ہیں۔ اسرائیلی فوجی اشیا کی برآمدات میں گزشتہ 5 سالوں میں 65 فیصد اضافہ ہوا ہے۔
دوسری جانب ذرائع کا کہنا ہے کہ اسرائیل ایک غیر قانونی ریاست ہے جس کو سیکیورٹی اسٹیٹ کہا جاتا جس کو اسرائیل کو اپنے چاروں جانب سے ان مزاحمتی قوتوں سے خطرہ ہے جن کی زمینوں پر قبضے کے بعد اس غیر قانونی ملک کو قائم کیا گیا۔ اس لئے اسرائیل اپنی حفاظت کی غرض سے اپنے دفاع پر خطیر رقم صرف کرتا ہے جو اس کی مجبوری ہے۔