(روز نامہ قدس ۔آنلائن خبر رساں ادارہ )عالم اسلام فلسطینی عوام کی استقامت اور مزاحمت کی حمایت کرے اور فلسطین کی آزادی کے منصوبے میں شامل ہونے کے لیے الجزائر کی کے موقف اور کردار کی تقلید کرے۔
فلسطین پر قابض غیر قانونی صیہونی ریاست اسرائیل کے مظالم کے خلاف برسرپیکار اسلامی تحریک مزاحمت "حماس” کے بیرون ملک سربراہ خالد مشعل نے گذشتہ روز الجزائر میں حماس کے 32 ویں یوم تاسیس کے موقع پر منعقدہ تقریب سے خطاب کے دوران اپنی تقریر میں عالم اسلام سے اپیل کی ہے کہ وہ فلسطینی عوام کی استقامت اور مزاحمت کی حمایت کے ساتھ ساتھ غاصب صیہونی دشمن سے فلسطین کی آزادی کے منصوبے میں شامل ہونے کے لیے الجزائر کی کے موقف اور کردار کی تقلید کرے۔
انہوں نے الجزائر کی ریاست کی فلسطینی کاز پر اس کے تاریخی موقف کی تعریف کے ساتھ الجزائر کے صدرکی جانب سے جنین کیمپ پر صیہونی جارحیت سے ہونے والی تباہی کی تعمیر نو کےلیے خطیر رقیم کے عطے پر ان کا شکریہ ادا کرتے ہوئے کہا کہ ہماری زمین پر قاص صیہونی دشمن کا کوئی مستقبل نہیں ہے۔