(روز نامہ قدس ۔آنلائن خبر رساں ادارہ ) اسرائیل کا کہنا ہےکہ غزہ میں جنگ دوسرے مرحلے میں داخل ہوگئی ہے جو ایک مشکل مرحلہ ہے۔
غیر قانونی صیہونی ریاست اسرائیل کی حکومت کے ترجمان ایلون لیوی نے جنگی محاذ پر فلسطینی مزاحمت کاروں کے ہاتھوں ذلت آمیز شکست کا اعتراف کرتے ہوئے کہا ہے کہ اسرائیل غزہ میں اپنی جنگ کے نئے مرحلے میں داخل ہورہا ہے جہاں وہ جنگ کو عسکری لحاظ سے مشکل تصور کررہا ہے تاہم اسرائیل حماس کو ختم کرنے کے اس مقصد میں شہریوں کو پہنچنے والے نقصان کو کم کرنے کے حوالے سے بھی کوشش کررہا ہے۔
غزہ میں اسرائیلی فوج حماس اور دیگر مزاحمتی تحریکوں کے ساتھ ایک مشکل جنگ جاری رکھے ہوئے ہے جہاں اسرائیلی فوجی روزانہ کی بنیاد پر بھاری جانی اور مالی نقصان اٹھا رہے ہیں۔
عرب میڈیا کے مطابق اسرائیل نے غزہ پٹی پر حماس کے زیر انتظام علاقوں میں آپریشن شروع کردیا ہے جہاں شمالی علاقوں سے تقریباً 10 لاکھ پناہ گزینوں کی آبادی میں اضافہ ہوا ہے۔