(روز نامہ قدس ۔آنلائن خبر رساں ادارہ ) حزب اللہ صیہونی ریاست اسرائیل کا وجود مٹانے کے لئے تشکیل پائی ہے، جب تک اسرائیل موجود ہے ، حزب اللہ ہر روز زیادہ مضبوط ہوتی چلی جائے گی۔
لبنان کی مزاحمتی تنظیم حزب اللہ لبنان کے ایک سینیئر رہنما سید ہاشم صفی الدین نے اپنے ایک بیان میں کہا ہے کہ مزاحمتی تحریک حزب اللہ غیر قانونی صیہونی ریاست اسرائیل کو ختم کرنے کی غرض سے تشکیل پائی ہے اور جب تک اسرائیل کا وجود ہے تو اس وقت حزب اللہ ہر روز پہلے سے زیادہ طاقتور ہوتی چلی جائے گی یہاں تک کہ اسرائیل کی نابودی اور انہیں علاقے سے باہر نکالنے کا وقت آ جائے۔
انہوں نے علاقے میں امریکی اقتصادی دہشت گردی کی جانب اشارہ کرتے ہوئے کہا ڈالر اور پابندیاں امریکی جنایت اور مظالم کا حصہ ہیں، امریکہ اپنے ڈالر کے ذریعے سے دوسروں پر دباؤ ڈالتا ہے، وہ دنیا کے علاقوں کو اپنے کنٹرول میں رکھنا چاہتے ہیں۔
انھوں نے مزید کہا کہ یہ علاقے ایران کے ہاتھ نہ لگ جائیں، اس لئے ان علاقوں میں بھوک و پیاس کی راہ ہموار کرتے ہیں، حزب اللہ کے رہنما کا کہنا تھا کہ امریکیوں نے غزہ اور مقبوضہ فلسطین کے مغربی کنارے کے سلسلے میں بھی یہی حربہ اختیار کر رکھا ہے اور ان علاقوں کی صورتحال بہت خراب ہے۔ سید صفی الدین نے ناجائز صیہونی حکومت کو خبردار کیا کہ اگر اسرائیل نے کوئی حماقت کی تو حزب اللہ کے جوان مقبوضہ الجلیل میں داخل ہو جائیں گے۔