اسرائیل پر حملوں کی قیمت ادا وصول کی جائیگی، صہیونی وزیراعظم کی گیڈر بھبکی

(روز نامہ قدس ۔آنلائن خبر رساں ادارہ ) صہیونی وزیراعظم نے کہا ہے کہ اسرائیل کی سیکیورٹی پر کوئی سمجھوتہ نہیں کیا جاسکتا ہے ، حملہ کرنے والوں کو بھرپورجواب دیا جائے گا۔

غیر قانونی صہیونی ریاست اسرائیل کے وزیراعظم بینجمن نیتن یاہوں  نے لبنان سے اسرائیل پر 34 راکٹ داغے جانے پر اپنے ردعمل میں کہا ہے کہ اسرائیل پر حملوں کے جواب کے لیے سلامتی کابینہ کا اجلاس طلب کیا ۔

وزیر اعظم بنجمن نیتن یاہو نے سیکیورٹی کابینہ کے اجلاس کے بعد اپنے بیان میں کہا ہے کہ "اسرائیل کا ردعمل، آج رات سے شروع ہوگا ہم اسرائیل کے دشمنوں سے اس کی بھاری قیمت وصول کریں گے۔”

واضح رہے کہ صہیونی ریاست پر لبنان سے  34 راکٹ داغے گئے جس میں سے 25 کو اس کے فضائی دفائی نظام آئرن ڈوم نے ناکارہ بنادیا جبکہ 9 راکٹ اسرائیل کے مختلف علاقوں میں گرے جس سے ایک شخص کے معمولی زخمی ہونے کی اطلاع ہے۔