(روز نامہ قدس ۔آنلائن خبر رساں ادارہ ) فلسطینی وزیراعظم نے کہا ہے کہ ہمیں فلسطین کے اتحاد کی ضرورت ہے، ہم دیکھیں گے کہ حماس ہمارے ساتھ آنے کو تیار ہے یا نہیں۔
جرمنی کے شہر میونخ میں سکیورٹی کانفرنس سے خطاب کرتے ہوئے فلسطینی وزیراعظم محمد ابراہیم اشتیہ فلسطین کی حالیہ صورتحال کو مد نظر رکھتے فلسطینی مزاحمتی تنظیم حماس سے کے ساتھ اتحاد پر آمادگی ظاہر کرتے ہوئے کہا ہے کہ روس نے حماس سمیت فلسطین کے دیگر تمام گروپوں کو ماسکو فلسطین میں اتحادی حکومت کے قیام کے مذکرات کیلئے مدعو کیا ہے۔
فلسطینی وزیراعظم کا کہنا تھا کہ فسلطینی اتھارٹی کچھ شرائط کےساتھ حماس سےاتحاد چاہتی ہے، ہمیں فلسطین کے اتحاد کی ضرورت ہے۔فلسطینی وزیراعظم کے مطابق شرائط میں مزاحمت سے متعلق مسائل پر تفہیم بھی شامل ہے، ہم دیکھیں گے کہ آیا حماس ہمارے ساتھ آنے کو تیار ہے یا نہیں، ہم بات چیت کے لیے تیار ہیں لیکن حماس تیار نہیں تو یہ ایک الگ بات ہے۔