(روز نامہ قدس ۔آنلائن خبر رساں ادارہ)صیہونی مظالم کا بھرپورجواب دینا ہمارا فرض ہے غزہ کا بچہ بچہ ارض مقدس کے لئے پرعزم ہے۔
غیر قانونی صیہونی ریاست اسرائیل کے مظالم کے خلاف برسرپیکار اسلامی مزاحمتی تحریک حماس کے سینئر رکن ایران اور پاکستان کے لئے نمائندہ خصوصی ڈاکٹر خالد قدومی نے گذشتہ روز نجی چینل سے گفتگو کرتے ہوئے صیہونی ریاست کی غزہ میں جاری دہشتگردی پر اپنے بیان میں کہا ہے کہ غزہ میں مجاہدین اور تحریک ثابت قدم ہے، ہمارا دشمن سفارتکاری کو نہیں مانتا اور ہم حالت جنگ میں ہیں۔
ڈاکٹر خالد قدومی نے کہا کہ غاصب صیہونی افواج نے غزہ میں گذشتہ ایک ہفتے کے دوران خواتین اور بچوں سمیت ایک ہزار سے زائد فلسطینیوں کو شہید کیا۔ہم صبر کرتے رہے اور صیہونی ریاست کو جواب نہ دیا تو اس کی جرات میں مزید اضافہ ہو گا، غاصب ریاست کو جواب دینا ہمارا فرض ہے۔
انھوں نے کہا کہ امریکا اسرائیل کے ساتھ مل کر خطے کی ری انجنیئرنگ میں مصروف ہے، خطے کی کشیدہ صورتحال کےحل کے لیے عالمی برادری کوکردار ادا کرناہوگا۔
خالد قدومی نے مزید کہا کہ فلسطین کی آزادی تک ہماری جدوجہد جاری رہے گی۔