(روز نامہ قدس ۔آنلائن خبر رساں ادارہ ) مصر شام اور غیر قانونی صیہونی ریاست کی سرحد پر تین صیہونی فوجیوں کو جہنم واصل کرنے والے مصری بارڈر پولیس کے اہلکار محمد صلاح کو گذشتہ روز انتہائی خاموشی سے سپرد خاک کردیا گیا۔
غیر ملکی خبر رساں اداروں کی رپورٹ کےمطابق ہفتے کی اسرائیل مصر اور شام کی سرحد پر مصری بارڈر پولیس کے ایک 23 سالہ اہلکار محمد صالح نے صیہونی فوجیوں پر اس وقت اندھا دھند فائرنگ کی تھی جب وہ بارڈر پر گشت میں مصروف تھے۔
فائرنگ میں ایک خاتون سمیت تین صیہونی فوجی جہنم واصل ہوئے تھے جبکہ متعدد کے زخمی ہونے کی اطلاعات تھی جبکہ اسرائیلی فوج کی جوابی فائرنگ سے مصری پولیس اہلکار محمد صالح بھی شہید ہوگیا۔ شہید کی میت اس کے ورثاء کے حوالے کیے جانے کےبعد گذشتہ روز اس کے آبائی علاقے شمالی مصر کی قلیوبیہ گورنری میں سپرد خاک کردیا گیا۔
شہید کی نماز جنازہ میں چند افراد نے شرکت کی۔ اس موقعے پر شہید اہلکار کے لواحقین کو سختی کے ساتھ مقامی، عرب اور عالمی میڈیا کے ساتھ بات چیت سے منع کیا گیا تھا۔