(روز نامہ قدس ۔آنلائن خبر رساں ادارہ ) صیہونی ریاست کا زوال شروع ہوگیا ہے، فلسطینیوں کے خون کا ہر قطرہ صیہونی حکومت کو اپنے زوال کے ایک قدم اور قریب لے جا رہا ہے۔
غیر قانونی صیہونی ریاست اسرائیل کی جانب سے غزہ کے اسپتال پر سفاکانہ فضائی حملے اور اس کے نتیجے میں بچوں اور خواتین سمیت سیکڑوں فلسیطینیوں کی شہادت پر ایران کے شہر تہران میں ایک عوامی احتجاجی مظاہرے سے خطاب کرتےہوئے ایران کے صدر ابراہیم رئیسی نے صیہونی ریاست کو اسلامی دنیا کی طرف سے سخت انتقام سے خبردار کرتے ہوئے کہا ہے کہ "فلسطین اور غزہ میں ہونے والے جرائم کا عالم اسلام کی طرف سے سخت انتقام” لیا جائے گا۔
انہوں نے کہا اسپتال پر حملے کے ساتھ ہی صیہونی حکومت کا خاتمہ شروع ہو گیا ہے فلسطینیوں کے خون کا ہر قطرہ صیہونی حکومت کو اپنے زوال کے ایک قدم اور قریب لے جا رہا ہے۔
ایرنی صدر نے کہا کہ امریکہ اسرائیل کے "جرائم” میں اس کا ساتھی ہے۔ دنیا کے لوگ امریکہ کو صیہونی حکومت کے جرائم کا ساتھی سمجھتے ہیں۔