صہیونی وزیراعظم نیتن یاہو کا فیس بک اکاؤنٹ ہیک

(روز نامہ قدس ۔آنلائن خبر رساں ادارہ ) غیر قانونی صہیونی ریاست کے یوم آزادی کے دن سے شروع ہونے والے سائبر حملوں میں اب مزید تیزی دیکھنے میں آگئی ہے۔

عبرانی اخبار’یدیعوت احرونوت‘ نے اطلاع دی ہے کہ "گمنام سوڈان” ہیکر گروپ صہیونی ریاست اسرائیل کے وزیراعظم نیتن یاہو کی سماجی رابطوں کی معروف ویب سائٹ فیس بک کو ہیک کرنے میں کامیاب ہو گئے۔ہیکرز نے اس پر فارسی زبان میں متن اور ویڈیو کلپس ہوسٹ  کیے۔ یہ واقعہ حالیہ دنوں میں سائبر جنگ میں نیا اضافہ ہے۔

واضح رہے کہ غیر قانونی صہیونی ریاست کے یوم آزادی کے دن سے شروع ہونے والے سائبر حملوں میں اب مزید تیزی دیکھنے میں آگئی ہے ، کل صبح صیہونی ویب سائٹس پر حملہ کیا، منگل کو 15 صہیونی ویب سائٹس جن میں بینک، ٹیلی کمیونیکیشن کمپنیاں اور سرکاری ادارے شامل ہیں سائبر حملے کا نشانہ بنے۔