(روز نامہ قدس ۔آنلائن خبر رساں ادارہ ) یورپی یونین کا کہنا ہے کہ اسرائیلی فوج کا اقدام ناقبل قبول ہے، اسکول کی مسماری انسانی حقوق کی سنگین خلاف ورزیوں میں سے ایک ہےجس کی مذمت کرتے ہیں۔
غیرقانونی صہیونی ریاست اسرائیل کی نام نہاد سیکیورٹی فورسزنے آج صبح مقبوضہ مغربی کنارے کے شہر بیت لحم کے قریب واقع گاؤں جببت الذہیب میں واقع فلسطینی طلبہ کےایک پرائمری اسکول کو غیر قانونی قرار دیتے ہوئے مسمار کردیا۔
یورپی کمیشن کے خارجہ امور کے مرکزی ترجمان پیٹر اسٹینو نے ایک بیان میں کہا، "یورپی یونین جببت الذہیب کے یورپی یونین کے فنڈ سے چلنے والے اسکول کے انہدام کی مذمت کرتی ہے۔”
اسٹینو نے کہا کہ اسرائیلی حکام نے یورپی یونین کی جانب سے اس اسکول کو مسمار نہکرنے کے مطالبے کے باوجود مسماری کی ہے جو ناقبل قبول ہے۔
پانچ کلاس رومز پر مشتمل پرائمری اسکول میں 85 کے قریب بچے زیر تعلیم تھے جو مکمل طورپر تعمیر بھی نہیں کیا گیا تھا، کمروں کی چھتوں کو ٹین کی چادروں سے ڈھانپاگیاتھا تاہم صہیونی فورسز نے اسکول کو غیر قانونی قرار دیتے ہوئے مسمار کردیا۔