(روز نامہ قدس ۔آنلائن خبر رساں ادارہ ) صیہونی دشمنوں کی جانب سے غزہ پر ساتویں روز بھی وحشیانہ بمباری کا سلسلہ جاری ہے جس میں اب تک 500 بچوں اور 260 سے زائد خواتین سمیت ڈیڑھ ہزار سے زائد فلسطینی شہید ہوچکے ہیں۔
غیر قانونی صیہونی ریاست اسرائیل کے مظالم کے خلاف برسرپیکار اسلامی مزاحمتی تحریک حماس کے عسکری ونگ عزالدین القسام بریگیڈز کی جانب سے جاری کردہ بیان میں کہا گیا ہے کہ مقبوضہ فلسطین کے محصور شہر غزہ پر صیہونی فوج کے لڑاکا طیاروں کی طرف سے نشانہ بنائے گئے پانچ مقامات پر ‘غیر ملکیوں سمیت تیرہ قیدی’ ہلاک ہو گئے۔
واضح رہے کہ عزالدین القسام بریگیڈز نے اس ہفتے خبردار کیا تھا کہ "ہمارے لوگوں کو بغیر انتباہ کے نشانہ بنانے پر ہر ایک کے بدلے ایک یرغمالی کو مار دیا جائے گا۔”