(روز نامہ قدس ۔آنلائن خبر رساں ادارہ ) غاصب فوج نے جنین اور طولکرم میں طاقت کا غیر معمولی استعمال کیا جس میں چھ بچوں اور دو بزرگوں سمیت اب تک 40 فلسطینی شہید اور سیکڑوں زخمی اور گرفتار کئے جاچکے ہیں۔
مقبوضہ فلسطین کے شہر جنین اور طولکرم میں غیر قانونی صیہونی فوج کی جانب سے گذشتہ 10 روز سے جاری آپریشن فلسطینی مزاحمت کاروں کی بہادرانہ کارروائیوں کے بعد روک دیا گیا ۔ جمعہ کی صبح غاصب فوج نے شمالی مغربی کنارے کے شہروں تلکرم اور جینین سے، دس دن تک جاری رہنے والے بڑے حملے اور اس کے نیتجےمیں بڑے پیمانے پر املاک کو تباہ کرنے کےبعد شہر کو چھوڑنے پر مجبور ہوگئی ۔
واضح رہے کہ یہ شمالی مغربی کنارے میں 2002 کے بعد سب سے بڑے فوجی آپریشن کے دوران فلسطینی مزاحمت کاروں کی قابض فوج کے ساتھ پرتشدد جھڑپیں ہوئیں، جس کے نتیجے میں ایک صیہونی فوجی ہلاک اور دیگر کئی زخمی ہوئے جس کے بعد صیہونی فوج نے آپریشن کو روک کر شہر سے انخلا کیا۔
اسرائیلی فوج کی جانب سے طاقت کے بدترین استعمال کے بعد چھ بچوں اور دو بزرگوں سمیت اب تک 40 فلسطینی شہید اور سیکڑوں زخمی اور گرفتار کئے جاچکے ہیں ۔
فلسطین کے سرکاری اعداد و شمار کے مطابق، 7 اکتوبر 2023 سے اب تک مغربی کنارے میں شہداء کی کل تعداد 691 تک پہنچ گئی، پانچ ہزار 700 سے زائد زخمی، اور 10 ہزار 400 سے زائد زیر حراست۔