اسرائیلی قیادت میں تناؤ: ڈپٹی چیف آف اسٹاف نے استعفیٰ دینے کا اعلان کر دیا

(روز نامہ قدس ۔آنلائن خبر رساں ادارہ)   صیہونی ریاست کے میڈیا کے مطابق،  غاصب  فوج کے نائب سربراہ، عامر برعام، نے اپنے سربراہ ہرتزی ہالیوی کو آگاہ کیا کہ وہ آئندہ ماہ کے آخر تک اپنے عہدے سے استعفیٰ دے دیں گے۔ اسرائیلی ویب سائٹ "والا” کے مطابق، ہاليوی اور وزیر دفاع یِسرآئيل کاٹز کے درمیان تعلقات میں شدید کشیدگی ہے۔

کاٹز اعلیٰ فوجی عہدوں پر تقرریوں کے خواہاں ہیں، لیکن وہ یہ شرط رکھتے ہیں کہ فوجی تحقیقات مکمل کی جائیں، جو تقرریوں میں رکاوٹ ڈال رہی ہیں۔ ذرائع نے بتایا کہ ہاليوی جنوری کے آخر تک تحقیقات مکمل کرنے کا ارادہ رکھتے ہیں، اور ممکنہ طور پر اس میں توسیع کی درخواست کریں گے۔

وزیر دفاع کاٹزنے کہا کہ اسرائیلی فوج پر یہ فرض ہے کہ وہ جلد از جلد تحقیقات مکمل کرے تاکہ اس سے سبق سیکھا جا سکے اور عوام اور متاثرہ خاندانوں کو نتائج فراہم کیے جاسکیں۔ اس کے علاوہ، اسرائیلی فوج کے کمانڈر تامیر یَدَعی کی ریٹائرمنٹ متوقع ہے، جو 36 سال کی خدمت کے بعد اس عہدے سے سبکدوش ہوں گے، اور امکان ہے کہ وہ نائب سربراہ کے عہدے کے لیے امیدوار ہوں گے۔

حالیہ مہینوں میں اسرائیلی فوج کی قیادت میں تناؤ بڑھ گیا ہے، خاص طور پر 7 اکتوبر کے حملے کے بعد، جس میں وزیر اعظم نیتن یاہو اور ہاليفی کے درمیان اختلافات نے معاملے کو مزید پیچیدہ کر دیا ہے۔