(روز نامہ قدس ۔آنلائن خبر رساں ادارہ ) غاصب صیہونی فورسز کی سرپرستی میں درجنوں غیر قانونی صیہونی آباد کاروں نے المغریبہ گیٹ کے راستے مسجد اقصیٰ پر دھاوا بولا اور اشتعال انگیز رسومات ادا کیں۔
مقبوضہ بیت المقدس میں اسلامی اوقاف کے محکمہ نے بتایا کہ آج صبح دسیوں غیر قانونی صیہونی آباد کاروں نے قبلہ اول مسجد الاقصیٰ پر صیہونی پولیس کے حفاظتی حصار میں دھاوابولات اور اشتعال انگیز ی کرتے ہوئے تلمودی رسومات کی ادائیگی کے نام پر مسلمانوں کے تیسرے مقدس ترین مقام قبلہ اول کی بے حرمتی کی ۔
واضح رہے کہ جون کے اوائل میں، میڈیا ذرائع نے ایک نئے اشتعال انگیز صیہونی منصوبے کا انکشاف کیا تھا جس کا مقصد مسجد اقصیٰ کو یہودیوں اور مسلمانوں کے درمیان تقسیم کرنا تھا۔
دریں اثنا، مقبوضہ بیت المقدس میں فلسطینیوں نے الاقصیٰ میں بڑے پیمانے پر چھاپوں کے لیے اسرائیلی آباد کاروں کے مطالبات کا مقابلہ کرنے کے لیے الاقصیٰ میں متحرک ہونے کے لیے اپنی کوششیں جاری رکھی ہوئی ہیں۔
اپریل 2023 میں، تقریباً 5054 صیہونی آباد کاروں نے مسجد اقصیٰ پر دھاوا بولا تھا مذہبی رسومات کی ادائیگی کے نام پر اشتعال انگیز تلمودی رسومات ادا کیں تھیں۔