(روز نامہ قدس ۔آنلائن خبر رساں ادارہ )حماس کے سربراہ شہید اسمٰعیل ہنیہ کو جمعہ کو قطر کے دارالحکومت دوحہ میں سپرد خاک کیا جائے گا۔
سابق فلسطینی وزیراعظم اور حماس کے سربراہ ااسماعیل ھنیہ شہید کی نماز جنازہ ایران کے دار الحکومت تہران یونیورسٹی میں ایران کے رہبر انقلاب اسلامی آیت اللہ سید علی خامنہ ای کی اقتدا میں ادا کردی گئی جس میں بڑی تعداد میں شہریوں نے شرکت کی۔
ایرانی میڈیا کے مطابق شہید اسماعیل ھنیہ کو جمعہ کو قطر کے دارالحکومت دوحہ میں سپرد خاک کیا جائے گا۔
واضح رہے کہ گزشتہ روز حماس کے سربراہ اسمٰعیل ہنیہ کو ایران میں قاتلانہ حملے میں شہید کردیا گیا، اسماعیل ہنیہ پر تہران میں ان کی رہائش گاہ پر حملہ کیا گیا، وہ ایران کے نئے صدر مسعود پزشکیان کی حلف برداری کی تقریب میں شرکت کے لیے ایران میں موجود تھے۔