(روزنامہ قدس ۔آن لائن خبر رساں ادارہ) ترک صدر کے مطابق صہیونی صدر اور اسرائیل کے اعلیٰ عہدیدار ان سےاس ضمن میں ٹیلی فونک رابطے بھی جاری ہیں جبکہ دونوں ممالک ایک دوسرے کے ساتھ باہمی روابط کی بہتری کے خواہاں ہیں۔
عالمی ذرائع ابلاغ کے مطابق ترکی کے صدر رجب طیب اردگان نےاپنے دورہ یوکرین سے قبل ایک پریس کانفرنس میں آگاہ کیا ہے کہ قابض ریاست اسرائیل کے صدر اسحاق ہرزوگ ترک اسرائیل تعلقات کی مضبوطی کے لیے اگلے ماہ ترکی آرہے ہیں۔
ترک صدر کے بیان کے مطابق صہیونی صدر اور اسرائیل کے اعلیٰ عہدیدار ان سےاس ضمن میں ٹیلی فونک رابطے بھی جاری ہیں جبکہ دونوں ممالک ایک دوسرے کے ساتھ باہمی روابط کی بہتری کے خواہاں ہیں۔
مزید معلومات کے مطابق ترک نشریاتی اداروں نے بھی اس بات کی تصدیق کی ہے کہ طیب اردگان کی حکومت نے صہیونی ریاست کے ساتھ رابطے بڑھانے کے لیے کوششیں تیز کر دی ہیں،ترک صدر کا کہنا ہے کہ اسرائیلی ہم منصب کا دورہ ترکی دونوں ممالک کے درمیان تعلقات کا ایک نیا باب کھولے گا۔
واضح رہے کہ سال 2010 میں قابض اسرائیلی ریاست نے غزہ کے فلسطینی متاثرین کو بھیجی جانے والی امدادی سامان کی ترک کشتی کو نشانہ بنایا تھا جس کے نتیجے میں تقریباً 10 رضاکار مارے گئے تھے جس کے بعد سے دونوں ممالک کے تعلقات کشیدہ ہوگئے تھےالبتہ 3 سال بعد تعلقات کی بحالی کیلیے سابق صہیونی وزیر اعظم نیتن یاہو کی جانب سے ترک متاثرین کو 20 ملین ڈالرز کے معاوضے کا اعلان بھی کیا گیا تھا۔