(روزنامہ قدس ۔آن لائن خبر رساں ادارہ) صہیونی حکام کی روس اور یوکرین جنگ کی مذمت کے نتیجے میں روس نے فوری رد عمل کےطور پر اپنے ملک میں موجود یہودیوں کی ایک امیگریشن ایجنسی کی اسکروٹنی شروع کر دی تھی۔
عالمی خبر رساں ادارے کے مطابق گذشتہ روز قابض صہیونی ریاست اسرائیل کے وزیر دفاع بینی گینٹز نے حال ہی میں ایک کانفرنس کے دوران 13 مئی 2022ء کو ملک شام کی سرحدی حدود میں قابض اسرائیلی فوج کی حملہ آور جنگی طیاروں پر روس کے ایس 300 میزائلوں سے نشانہ بنانے کی خبر کی تصدیق کر دی ہےاور اعتراف کیا ہے کہ روس نےاسرائیلی لڑاکا طیاروں کو نشانہ بنایا تھا۔
یاد رہے کہ قابض اسرائیل کی جانب سے یہ بیان ایسے وقت میں سامنے آیا ہے جب روس اور صہیونی حکمرانوں کے مابین تنازع بڑھتا جا رہا ہے اور یہ تنازع شروع اس وقت ہوا جب صہیونی ریاست نےروس کے ساتھ یوکرین جنگ کی مذمت کی تھی، جس کے نتیجے میں روس نے فوری طور پر اپنے ملک میں موجود یہودیوں کی ایک امیگریشن ایجنسی کی اسکروٹنی شروع کر دی تھی اورصہیونی حکمرانوں کو اسرائیلی باشندوں کےروس سے ملک بدر کیے جانے کا خاموش پیغام دیا تھا۔