اسرائیل پر کامیاب حملے: یمنی انصار اللہ کی حزب اللہ کو مبارکباد

(روز نامہ قدس ۔آنلائن خبر رساں ادارہ ) انصار اللہ نے کہا ہے کہ  غاصب صیہونی ریاست کے خلاف  "مضبوط اور مؤثر جواب اس بات کی تصدیق کرتا ہے کہ مزاحمت اپنے وعدے اور دھمکیوں کے حوالے سے قابل، مضبوط اور ایماندار ہے۔

یمن کی مزاحمتی تحریک انصار اللہ نے لبانی مزاحمتی تحریک حزب اللہ کی جانب سےفلسطین پر قابض غیر قانونی صیہونی ریاست اسرائیل پر بڑے پیمانے پر کامیاب حملوں اور اس کےنیتجےمیں ہونے والے غیر معمولی نقصان پر حزب اللہ کو عظیم اور دلیرانہ حملے پر مبارکباد پیش کرتے ہوئے کہا ہے کہ غاصب صیہونی ریاست اسرائیل کے خلاف  "مضبوط اور مؤثر جواب اس بات کی تصدیق کرتا ہے کہ مزاحمت اپنے وعدے اور دھمکیوں کے حوالے سے قابل، مضبوط اور ایماندار ہے۔

یمن کے ساحل پر حدیدہ کی بندرگاہ پر صیہونی فضائیہ کہ جانب سے بمباری کے بعد انصار اللہ نے صیہونی ریاست سے انتقام لینے کا اعلان کیا تھا اس بیان کا حوالہ دیتے ہوئے انصار اللہ نے کہا کہ "ہم دوبارہ اس بات کی تصدیق کرتے ہیں کہ غاصب صیہونی ریاست اسرائیل کے خلاف یمنی ردِ عمل یقیناً آنے والا ہے۔

واضح رہے کہ غزہ پر 10 ماہ سےجاری اسرائیلی وحشیانہ بمباری اور فلسطینیوں کی نسل کشی  کی کارروائیوں کے خلاف ” یمن کی مزاحمتی تحریک انصار اللہ  نے 20 جولائی کو صیہونی ریاست  کے دارالحکومت تل ابیب پر دھماکہ خزی مواد سے لیس ڈروز سے پہلا مہلک حملہ  کیا تھا جس میں ایک غیر قانونی صیہونی آبادکار ہلاک ہوا تھا جس کے ایک دن بعد غاصب ریاست نے  امریکہ کے اشتراک سے یمن کی بندر گاہ حدیدہ پر حملہ کیا تھا۔