(روزنامہ قدس ۔آن لائن خبر رساں ادارہ) فلسطین فاؤنڈیشن پاکستان کی جانب سے اس تصویری نمائش میں گلگت، اسکردو اور پارا چنار چیپٹر کے زیر اہتمام یوم القدس کی مناسبت سے فلسطینی عوام پر ڈھائے جانے والے صہیونی مظالم کو آشکارکیا گیا.
مقبوضہ فلسطین میں صہیونی مظالم کے خلاف مسلمان فلسطینی بھائی بہنوں کے ساتھ اظہار یکجہتی کے لیےدنیا بھر میں عالمی یوم القدس کے موقع پر سیمینار، جلسے ، جلوس اور فلسطینیوں کے حقوق کے لیے مظاہرے کیے گئے ساتھ ہی پاکستان میں گلگت، اسکردو اور پاراچنار میں یوم القدس پر فلسطین فاؤنڈیشن کی تصاویری نمائش کا انعقادکیا گیا جس میں قابض ریاست اسرائیل میں فلسطینیوں پر جاری صہیونی بربریت کوعوام کے سامنے لایا گیا۔
فلسطین فاؤنڈیشن پاکستان کی جانب سے اس تصویری نمائش میں گلگت، اسکردو اور پارا چنار چیپٹر کے زیر اہتمام یوم القدس کی مناسبت سے فلسطینی عوام پر ڈھائے جانے والے صہیونی مظالم کو آشکارکیا گیا جسے دیکھنے کے لیے عوام کی بڑی تعداد نمائش میں شرکت کی اورفاؤنڈیشن کے اقدام کو سراہا۔
واضح رہے کہ صہیونی ریاست اسرائیل میں اسرائیلی فورسزروزانہ کی بنیاد پر نہتے اور بے گناہ فلسطینیوں کو شہید کررہی ہے اور مسلمانوں کے تیسرے مقدس ترین مقام قبلہ اول کو صہیونی آبادکاروں کے ذریعے بے حرمتی کا نشانہ بنارہی ہے۔