(روز نامہ قدس ۔آنلائن خبر رساں ادارہ ) صیہونی جارحیت غیر قانونی ریاست کی مجرمانہ پالیسی کا حصہ ہے ہم اپنی سرزمین اور مقدس مقامات کو فسطائی صیہونی حکومت کے رحم و کرم پر نہیں چھوڑیں گے۔
غیرقانونی صہیونی ریاست اسرائیل کے خلاف برسرپیکار اسلامی مزاحمتی تحریک حماس نے صہیونی جارحیت میں شہید ہونے والے فلسطینیوں کو خراج عقیدت پیش کرتے ہوئے کہا ہے کہ شہدا ءکالہو مزاحمت کو پروان چڑھا رہا ہے، صیہونی دشمن کو نکال کر دم لیں گے۔
جاری بیان میں جماعت کا کہناتھا کہ فلسطینی عوام ناجائز صہیونی قبضے کے خاتمے تک اپنی پوری قوت لگاتے ہوئے اپنی جدو جہد کو تیز بھی کریں گے اور اس میں اضافہ بھی کریں گے۔
بیان میں مزید کہا گیا کہ صیہونی جارحیت غیر قانونی ریاست کی مجرمانہ پالیسی کا حصہ ہے ہم اپنی سرزمین اور مقدس مقامات کو فسطائی صیہونی حکومت کے رحم و کرم پر نہیں چھوڑیں گے ۔مقبوضہ بیت المقدس اور مسجد اقصیٰ کے خلاف صیہونی عزائم کو کبھی کامیاب نہیں ہونے دیں گے۔ نہ ہی صہیونی ریاست کے ان حربوں سے ہمارے لوگوں کے حوصلوں کو کمزور اور استقامت کو توڑا جا سکتا ہے۔