(روز نامہ قدس ۔آنلائن خبر رساں ادارہ ) عقبہ جبر پناہ گزین کیمپ میں صیہونی ریاستی دہشتگردی اور قتلِ عام انقلابی لہر کو روکنے میں کامیاب نہیں ہوں سکتا۔
فلسطین پر غابض غیر قانونی صیہونی ریاست اسرائیل کے مظالم کے خلاف برسرپیکار اسلامی مزاحمتی تحریک حماس کے سیاسی شعبہ کے سربراہ اسماعیل ھنیہ نے آج صبح اریحا کے عقبہ جبر پناہ گزین کیمپ میں صیہونی ریاستی دہشتگردی اور فلسطینیوں کے قتلِ عام کی مذمت کرتے ہوئے اس بات کا اعادہ کیا کہ فلسطینی عوام اپنے شہداء کا بدلہ لیں گے قابض ریاست کو سکون نصیب نہیں ہو گا۔
انھوں نے کہا کہ فلسطینی جنگجو صیہونی دشمن کے خلاف اس وقت تک کارروائیاں جاری رکھیں گے جب تک کہ اسے ان کی سرزمین سے نکال باہر نہیں کیا جاتا۔ مغربی کنارے میں منظم قتل عام صیہونی دشمن کے لیے تباہی ثابت ہوں گی۔
انہوں نے خبردار کیا ہے کہ بین الاقوامی اور علاقائی مداخلتیں فلسطینی عوام کی انقلابی لہر کو روکنے میں کامیاب نہیں ہوں گی۔انہوں نے مزید کہا: "عقبہ جبر کے ہیروز بہادری سے لڑے یہاں تک کہ وہ اپنی سرزمین اور مقدس مقامات کے دفاع میں شہید ہو گئے۔”
یاد رہے، عقبہ جبر کیمپ میں اسرائیلی قابض فوج کے ساتھ مسلح جھڑپوں میں آج صبح کے وقت پانچ مزاحمتی جنگجو شہید کر دیے گئے۔ چھاپوں کے دوران متعدد شہری زخمی اور گرفتار بھی ہوئے۔