(روز نامہ قدس ۔آنلائن خبر رساں ادارہ ) صہیونی سیکیورٹی فورسز کے حفاظتی حصار میں درجنوں صہیونی آبادکاروں نے قبلہ اول پر دھاوا بولا اور یہودی مذہبی رسومات کی ادائیگی کے نام پر مسجد اقصیٰ کی حرمت کو پامال کیا۔
مقامی ذرائع کے مطابق گذشتہ روز درجنوں غیر قانونی صہیونی آبادکاروں نے مغربی دروازے سے داخل ہوتے ہوئے ایک بار پھر قبلہ اول پر یہودی مذہی رسومات کی ادائیگی کے نام پر دھاوا بولا، فلسطینیوں اور اسلام مخالف نعرے بازی کی اس کے ساتھ ساتھ شرپسند صہیونی مذہنی رہنما نے اس موقع پر مسجد اقصیٰ کی جگہ یہودی معبد کی تعمیر کے بارے میں آبادکاروں کو اکساتے ہوئےشرپسند اقدمات پر آبادکاروں کی حوصلہ افزائی کی۔
یہ بھی پڑھیے
اسرائیل کا عالمی فوجی قیادت کی کانفرنس بلانے کا اعلان
واضح رہے کہ مسجد اقصیٰ پر دھاوے کے دوران ان یہودیوں کے لیے اسرائیلی معبد کی اہمیت کے پسمنظر میں دیا جانے والا لیکچر اورتلمودی عبادت سب سے اہم مصروفیت ہوتی ہے۔ اس دوران پولیس مسلمانوں کے مسجد میں داخلے اور نقل و حرکت کو روک دیتی ہے۔ یہودی آباد کاروں کو پولیس کے تحفظ میں مسجد اقصیٰ کی بے حرمتی کا موقع دیا جاتا ہے۔