(روزنامہ قدس ۔آن لائن خبر رساں ادارہ) فلسطینی شہید کی تدفین کے بعد شہریوں نے اسرائیلی فورسز کی ان پرتشدد کارروائیوں کے خلاف شدید نعرے بازی کے ساتھ ساتھ صہیونی حکام کے خلاف آزادی کے حصول تک جہاد جاری رکھنے اور ظلم کے خلاف نہ جھکنے کا اعادہ کیا۔
ذرائع کے مطابق گذشتہ روز مقبوضہ مغربی کنارے کے علاقے طوباس میں صہیونی فوجی درندگی کا نشانہ بننے والے 58 سالہ شہید فلسطینی شہری صلاح توفیق صوافتہ کے جنازے میں سیکڑوں شہریوں اور سوگواراہل خانہ نے شرکت کی اور نماز جنازہ کے بعد انہیں سپرد خاک کیا۔
فلسطینی شہید کی تدفین کے بعد شہریوں نے سوگواران کو حوصلہ دیا اور اسرائیلی فورسز کی ان پرتشدد کارروائیوں کے خلاف شدید نعرے بازی کے ساتھ ساتھ صہیونی حکام کے خلاف آزادی کے حصول تک جہاد جاری رکھنے اور ظلم کے خلاف نہ جھکنے کا اعادہ کیا۔
فلسطینی وزارت صحت نے تصدیق کی ہے کہ غیر مسلح 58 سالہ صلاح توفیق صوافتہ کو اپنے گھر کے قریب مسجد میں فجر کی نماز سے گھر واپیا کے وقت سر میں اسرائیلی فورسز کی گولی لگی تھی جس کے بعد وہ شدید زخموں کی تاب نہ لاتے ہوئےہسپتال میں دم توڑ گئے تھے، شہید نے چند روز قبل ہی اپنی بیٹی کی منعقد ہونے والی شادی کے دعوت نامے بانٹے تھے ۔