(روز نامہ قدس ۔آنلائن خبر رساں ادارہ) صیہونی ریاست کی تاریخ میں یہ پہلا موقع ہے جب کوئی وزیراعظم اپنے عہدے کے دوران ملزم کے طور پر عدالت میں پیش ہو رہا ہے۔
غیر قانونی صیہونی ریاست اسرائیل کے وزیراعظم بنجمن نیتن یاہو بدعنوانی کے سنگین مقدمات میں پیشی کے لیے تل ابیب کی عدالت پہنچ گئے۔ یہ سماعت تل ابیب ڈسٹرکٹ کورٹ کے ایک ہال میں 3 ججوں کے پینل کے سامنے کی جائے گی، جو سیکیورٹی وجوہات کی بنا پر یروشلم سے منتقل کی گئی ہے۔
عدالت نے نیتن یاہو کے وکیل کی جانب سے گواہی کی مدت میں توسیع کی درخواست کو مسترد کر دیا، حالانکہ وکلاء نے یہ نقطہ اٹھایا تھا کہ خطے میں جاری جنگ کی وجہ سے نیتن یاہو کو عدالت میں شرکت کے لیے مناسب وقت نہیں مل سکا۔
اسرائیلی آرمی ریڈیو نے رپورٹ کیا کہ اسرائیل کی تاریخ میں یہ پہلا موقع ہے جب کوئی وزیراعظم اپنے عہدے کے دوران ملزم کے طور پر عدالت میں پیش ہو رہا ہے۔