(روزنامہ قدس ۔آن لائن خبر رساں ادارہ) قابض صہیونی ریاست کی غیر قانونی عدالتوں میں فلسطینی قیدیوں کے ساتھ غیر انسانی سلوک اور انسانی حقوق کی خلاف ورزیوں کے خلاف فلسطینیوں کا احتجاجاً بھوک ہڑتال 141 ویں روز میں داخل ہوگئی ہے ۔
فلسطینی ذرائع ابلاغ کے مطابق قابض صہیونی ریاست کی غیر قانونی عدالتوں میں فلسطینی قیدیوں کے ساتھ غیر انسانی اورغیر قانونی اقدامات کے خلاف غیر قانونی حراست کی پالیسی کے خلاف گرفتار کئے گئے فلسطینیوں نے بطور احتجاج عدالتی کارروائیوں کے خلاف بھوک ہڑتال کی ہوئی ہے جو 141 ویں روز میں داخل ہوگئی ہے ، صہیونی جیلوں میں بغیر کسی جرم کے غیر قانونی انتظامی حراست کی پالیسی کے تحت چھ سو سے زائد فلسطینی قیدہیں۔
قیدیوں کا کہنا ہے کہ اول تو ان کو بغیر کسی جرم کے انتظامی حراست کی غیر قانونی پالیسی کے تحت گرفتار کیا جاتا ہے اور پھر ان پر غیر قانونی مقدمات چلائے جاتے ہیں جس میں اپنے دفاع کے اختیارات سے بھی محروم رکھا جاتا ہے ۔
واضح رہے کہ صہیونی جیلوں میں قید فلسطینی قیدیوں کی جانب سے یہ بائیکاٹ جنوری 2022ء سے جاری ہے۔ ان قیدیوں کو کسی الزام کے بغیر قید میں رکھا جاتا ہے۔ ان کے وکیلوں کو ان تک رسائی کا حق بھی نہیں دیا جاتا۔ ان کی قید بغیر نظرثانی بار بار بڑھا دی جاتی ہے جو ہر بار تین سے آٹھ ماہ ہو سکتی ہے۔