(روز نامہ قدس ۔آنلائن خبر رساں ادارہ ) تقریب میں الجزائر کے صدر اس وقت نشست سے اٹھ کر چلے گئے جس وقت صہیونی ریاست کے صدر کو تقریر کےلئے بلایا گیا۔
گذشتہ پیر کو مصر کے شہر شرم الشیخ میں اقوام متحدہ کی موسمیاتی تبدیلی کانفرنس (COP27) کے کام کا آغاز ہوا جس میں 200 سے زائد ممالک اور تنظیموں کے وفود نے شرکت کررہی ہیں۔
دیگر ممالک کےسربراہوں کی طرح الجزائر کے صدر عبدالمجید تبون بھی جمعرات کو مصر میں موسمیاتی سربراہی اجلاس میں شرکت کرنے کےلئے پہنچے اس موقع پر ان کاستقبال ان کے مصری ہم منصب عبدالفتاح السیسی اور اقوام متحدہ کے سیکرٹری جنرل انتونیو گوٹیرس نے کیا۔
صورتحال اس وقت غیر معمولی ہوگئی جب تقریب میں غیر قانونی صہیونی ریاست کے صدر اسحاق ہرزوگ کو تقریر کےلئے بلایا گیااس سے قبل کے اسرائیلی صدر اپنی تقریر کا آغازکرتے الجزائر کے صدر نے تقریب کا بائیکاٹ کیا اور اپنی نشست کو چھوڑ کر چلے گئے۔