صیہونی فوج نے فلسطینیوں کے آٹھ مزید گھروں کو مسمار کردیا

(روز نامہ قدس ۔آنلائن خبر رساں ادارہ ) دو ہفتوں کےد وران صرف مغربی کنارے اور مقبوضہ بیت المقدس میں مسمار کئے جانے والے گھروں کی تعداد 60 سے زائد ہوگئی ہے۔

مقامی ذرائع سے حاصل ہونے والی اطلاعات کے مطابق غاصب صہیونی فورسز نے مقبوضہ بیت المقدس کے شہر  اریحا کے مغرب میں واقع الدیوک التحتا گاؤں پر دھاوا بولا اور فلسطینیوں کے کے 8 مکانات کو غیر قانونی قراردیتے ہوئے مسمار کردیا۔

فلسطینیوں کے مکانات کو مسمار کرنے کی پالیسی 1948 میں قابض ریاست کے قیام کے بعد سے اسرائیل کا ایک پرانا طریقہ کار ہے جس سے فلسطینیوں پر دہشت طاری کرنا اور انہیں اپنی زمینوں سے نکلنے پر مجبور کرنا ہے۔

1948 سے اب تک غاصب صہیونی ریاست  نے  500 سے زائد فلسطینی دیہات اور قصبوں کو تباہ کرکے 10 لاکھ سے زائد کو بے گھر کیا ہے۔