(روز نامہ قدس ۔آنلائن خبر رساں ادارہ ) غیر قانونی صہیونی آبادکاروں نےمسلمانوں کے جذبات کو مشتعل کرنے کے لئے قرآن پاک کی بے حرمتی کرتے ہوئے اس کی ویڈیو ز بھی بنائیں۔
مقبوضہ بیت المقدس کے شہر الخلیل کے ڈائریکٹر اوقاف نضال الجعبری نے غیر قانونی صہیونی آبادکاروں کی جانب سے قرآن مجید کی بےحرمتی کی سخت الفاظ میں مذمت کرتے ہوئے کہا ہے کہ قرآن پاک کی بے حرمتی آباد کاروں کے مسجد ابراہیمی اور اس کے ارد گرد آباد فلسطینیوں سے انتقام لینے کا ایک اقدام ہے جس کی شدید مذمت کرتے اور خبردار کرتے ہیں کہ ایسی حرکات پر بھرپور جواب دیا جائے گا۔
واضح رہے کہ غیر قانونی انتہاپسند صہیونی آبادکاروں نے قرآن پاک کے نسخے پھاڑ کر جلا دیے اور قدیم شہر کی مسجد قیطون اور ابراہیمی مسجد کے قریب ایک گلی میں کچرے کے ڈھیر پر پھینک دیے اور اس کی ویڈیو بناکر سوشل میڈیا پر بھی جاری کی ۔