(روزنامہ قدس ۔آن لائن خبر رساں ادارہ) صہیونی وزیراعظم نفتالی بینیٹ کےبیان کے دھمکی آمیز بیان کے جواب میں ایرانی چیفعلی باقری کنی نے واضح طور پرکہا ہے کہ اسرائیل ‘صرف خوابوں میں ایران پر حملہ کر سکتا ہے’۔
تفصیلات کےمطابق قابض ریاست اسرائیل کے صہیونی وزیراعظم نفتالی بینیٹ کی جانب سے ایک بار پھر ایران کے خلاف جاری بیان میں کہا گیا ہے کہ ان کا ملک ایران کے جوہری پروگرام پرتعطل کو ختم کرنے کے لیے سفارتی حل کو ترجیح دے گا لیکن وہ اس کےخلاف اپنے طور پر ایکشن لے سکتا ہے۔
صہیونی وزیر اعظم نے اقوام متحدہ کے جوہری توانائی کے نگراں ادارے انٹرنیشنل اٹامک انرجی ایجنسی (آئی اے ای اے) کے سربراہ رافیل گروسی کے دورے کے دوران کہاہےکہ وہ اپنے آئندہ فیصلے میں ایران کو واضح اور غیر مبہم پیغام دے۔
نفتالی بینیٹ نے مزید کہا ہے کہ ‘اگرچہ اسرائیل ایران کو جوہری ہتھیاروں کی تیاری کے امکان کو روکنے کرنے کے لیے سفارت کاری کو ترجیح دیتا ہے، تاہم اسرائیل اپنے دفاع کے لیے ایران کے خلاف کارروائی کا حق محفوظ رکھتا ہے اور اگر عالمی برادری مقررہ اور متعین شدہ وقت کے اندر ایران کو جوہری ہھتیاروں کی تیاری سے روکنے میں ناکام ہو جاتی ہے تو اسرائیل ایسا کرنے کا حق محفوظ رکھتا ہے۔
صہیونی وزیر اعظم نفتالی بینیت کےبیان کے جواب میں ایران کے چیف جوہری مذاکرات کار علی باقری کنی نے واضح طور پر کہا ہے کہ اسرائیل ‘صرف خوابوں میں ایران پر حملہ کر سکتا ہے’۔
خیال رہے کہ ایران کی جانب سے اسرائیل پر اس کے خلاف طویل عرصے سے جاری قاتلانہ مہم چلانے کا الزام ہے ، ایران کے الزام کے مطابق اسرائیل کی اس مہم میں تہران کے جوہری پروگرام کے لیے کام کرنے والی فوجی شخصیات اور سائنسدانوں کو نشانہ بنایا جاتا ہےجس کا اسرائیل نے اب تک کوئی رد عمل نہیں دیا ہے۔