(روزنامہ قدس ۔آن لائن خبر رساں ادارہ) صہیونی وزیر اعظم نے دورہ ابوظہبی کے حوالے سے کہا ہے کہ وہ دو طرفہ تعلقات میں اضافے کے خواہاں ہیں اورابراہیم اکارڈ کے بعد دونوں ملکوں کےدرمیان مزید نئے ترقیاتی معاہدوں کے خواہاں ہیں۔
عالمی خبر رساں ادارے کے مطابق گذشتہ روز قابض اسرائیلی ریاست کے صہیونی وزیر اعظم نفتالی بینیٹ نے متحدہ عرب امارات میں ابو ظہبی کے صدر شیخ محمد بن زاید آل نھیان سےصدارت سنبھالنے ےکے بعد پہلی ملاقات کی۔
واضح رہے کہ نفتالی بینیٹ کا ابوظہبی کا یہ دورہ اچانک ہو رہا ہےجس کے حوالے سے اس قبل ان کے حکومتی ذرائع نے کسی قسم کی اطلاعات میڈیا کو نہیں دی تھی البتہ اسرائیلی وزیر اعظم نے دورہ ابوظہبی کے حوالے سے کہا ہے کہ وہ دوطرفہ تعلقات میں اضافے کے خواہاں ہیں اورابراہیم اکارڈ کے بعد دونوں ملکوں کےسفارتی اور سیاسی تعلقات میں تیزی سےآگے بڑھنے پر کافی پر امید ہیں اور نئے ترقیاتی معاہدوں کے خواہاں ہیں۔
یاد رہے کہ قابض صہیونی ریاست کے ساتھ تعلقات معمول پر لانے کے معاہدہ ابراہیمی کے تحت متحدہ عرب امارات، مراکش، بحرین اور دیگر عرب ممالک نے امریکہ کی ثالثی میں اسرائیل کو تسلیم کرتے ہوئے سیاسی و سفارتی تعلقات کا باقاعدہ آغاز کر دیا ہے۔