(روزنامہ قدس ۔آن لائن خبر رساں ادارہ) ترک شہریوں نے اسرائیلی قونصل خانہ کے باہر جمع ہوکرصہیونی صدر کے خلاف نعرے لگاتے ہوئے کہا کہ فلسطینی عورتوں اور بچوں کے قاتل کو ترکی نہیں آنے دیں گے۔
اطلاعات کے مطابق گذشتہ روز ترکی کے دارالحکومت استنبول میں ہزاروں افراد نےصہیونی صدر اسحاق ہرزوگ کےانقرہ کے متوقع دورے کے خلاف قابض ریاست اسرائیل کے قونصل خانے کے باہر بڑے پیمانے پراحتجاجی مظاہرہ کیا گیا۔
ذرائع کے مطابق ترک شہریوں نے اسرائیلی قونصل خانہ کے باہر جمع ہوکرصہیونی صدر کے خلاف نعرے لگاتے ہوئے کہا کہ فلسطینی عورتوں اور بچوں کے قاتل کو ترکی نہیں آنے دیں گے ۔
خیال رہے کہ گذشتہ ہفتے ترکی کے صدر رجب طیب اردگان نےصہیونی ریاست کے صدر کے دورے کا اعلان کیا تھا اور کہا کہ 12 سال بعد انقرہ اور تل ابیب کے تعلقات میں دوبارہ بہتری آرہی ہے۔
ادھرایمنسٹی انٹرنیشنل نے اپنی ایک رپورٹ میں مطالبہ کیا ہے کہ فلسطینیوں کو نسلی امتیاز کا نشانہ بنانے پر اسرائیل کو جوابدہ ہونا چاہیئے۔