(روزنامہ قدس ۔آن لائن خبر رساں ادارہ) صہیونی عہدیداران نے ملک میں دو جانب سے خطرات کا واضح امکان ظاہر کیا جس میں جزیرہ نما النقب، الجلیل، تل ابیب اور القدس میں فلسطینی عوام جنہیں ان کے گھروں سے بے دخل کیا جارہا ہے دوسری جانب فلسطینی مزاحمت کاروں کی طاقت میں روز بروز اضافہ ہے۔
اسرائیل کے عبرانی نشریاتی ادارے کی جاری کردہ ایک رپورٹ کےمطابق گذشتہ روز صہیونی حکومت کے اعلیٰ سطحی سیکیورٹی اجلاس میں ملکی سلامتی اور مقبوضہ فلسطینی علاقوں پر تسلط بحال رکھنے کے مختلف پہلوؤں پر غور کے دوران گذشتہ برس غزہ کی پٹی پر حملے کے بعد سے پیدا ہونے والی صورت حال اور فسادات کے حوالے سے مقبوضہ علاقوں میں انارکی کےتیزی سے پھیلتے آثارپر بحث کی گئی۔
رپورٹ کے مطابق صہیونی ریاست کے تحفظات سے متعلق اسرائیلی پارلیمان (کنیسٹ) کے ارکان یوف آف گیلانٹ اور دیگر عہدیداروں نے اجلاس میں خبردار کیا کہ اسرائیل کا داخلی محاذ خطرے میں ہے اور کسی بھی وقت ملک میں افراتفری پھیل سکتی ہےجو کہ صہیونی سیکیورٹی کو شدید مشکلات سے دوچار کرنے کی طاقت رکھتی ہے۔
صہیونی عہدیداران نے ملک میں دو جانب سے خطرات کا واضح امکان ظاہر کیا جس میں جزیرہ نما النقب ، الجلیل ، تل ابیب اور القدس میں فلسطینی عوام جنہیں ان کے گھروں سے بے دخل کیا جارہا ہے دوسری جانب فلسطینی مزاحمت کاروں کی طاقت میں روز بروز اضافہ جس کے باعث اسرائیلی حکمرانوں کیلیے حالات بدستور بے قابو ہونے کے خدشات پیدا ہو رہے ہیں۔