(روزنامہ قدس ۔آن لائن خبر رساں ادارہ) صہیونی فوج نے گلبوع جیل سے سرنگ کے ذریعے فرار فلسطینی اسیران میں سے ایہام کمامجی کے بھائی کو گولیاں مار کر شہید کردیا۔
تفصیلات کے مطابق گذشتہ روز مقبوضہ فلسطین میں قابض صہیونی فوج نے کفراذان قصبےپر دھاوا بول کر درجنوں فلسطینیوں کو اپنی گولیوں کا نشانہ بنایا جس کے نتیجے میں شاس کمامجی نامی ایک فلسطینی نوجوان بھی شہید ہوا۔
شہید ہونے والانوجوان فلسطینی قیدی ایہام کمامجی کا بھائی ہے، جوان چھ فلسطینی قیدیوں میں سے ایک ہے جنہوں نے ستمبر 2021 میں اسرائیل کی ہائی سکیورٹی والی گلبوع جیل سے ایک سرنگ کھود کر آزادی حاصل کی تھی، بعد ازاں ان فرار ہونے والے اسیران کو صہیونی فوج نے متعدد چھاپہ مار کارروائیوں کے نتیجے میں دوبارہ حراست میں لے لیا تھا۔