(روزنامہ قدس ۔آن لائن خبر رساں ادارہ) ترک وزارت خارجہ نے فلسطینی خاتون کی شہادت پر اسرائیلی حکام سے مطالبہ کیا ہے کہ واقعے کی غیر جانبدارانہ تحقیقات کریں اورجلد ازجلد ذمہ داران سزائیں دیں تاکہ اس طرح کے غیر انسانی اقدامات کو دوبارہ ہونے سے روکاجائے۔
عالمی ذرائع ابلاغ کے مطابق ترکی نے پیر کے روز مقبوضہ مغربی کنارے کے شہر بیت الحم میں قابض اسرائیلی فوج کی جانب سے ایک40 سالہ فلسطینی خاتون کو شہید کیے جانے کی شدیدمذمت کی ہے۔
ترک وزارت خارجہ نے فلسطینی خاتون غدا ابراہیم سبطین کی شہادت پر اسرائیلی حکام سے مطالبہ کیا ہے کہ وہ واقعے کی غیر جانبداری سے مکمل تحقیقات کریں اور ذمہ داران کو جلد از جلد انصاف کے کٹہرے میں لائیں تاکہ اس طرح کے غیرانسانی اقدامات کو دوبارہ ہونے سے روکاجائے۔
مزید برآں "ہم اللہ سے مرحومہ کی مغفرت کی دعا کرتے ہیں ،ان کے اہل خانہ اور رشتہ داروں سے ہمدردی کا اظہار کرتے ہیں۔”
خیال رہے کہ قابض فوج نے جنوبی قصبے حسان کے قریب فلسطینی خاتون جو 6 بچوں کی والدہ تھیں کو گولی مار کر شدید زخمی کر دیاور ہسپتال تک لے جانے میں رکاوٹیں کھڑی کیں جس کے نتیجے میں خاتون بیت جالا ہسپتال پہنچنے سے قبل رستے میں شہید ہو گئیں۔