(روزنامہ قدس ۔آن لائن خبر رساں ادارہ) صہیونی قابض جیلوں میں دو فلسطینی انتظامی قیدی بغیر کسی الزام یا مقدمے کے اپنی انتظامی حراست کے خلاف مسلسل 104 اور69 دنوں سے بھوک ہڑتال پر ہیں۔
مقبوضہ فلسطین میں اسیران کے امور سے متعلق کمیٹی قیدی کلب کے بیان کے مطابق اسرائیل کی قائم کردہ غیر قانونی جیلوں میں بغیر کسی جرم یا الزام کے سزا بھگتنے والے سینکڑوں فلسطینی شہریوں میں سے40 سالہ خلیل عوادہ اور 27 سالہ اسیر رائد ریان نے اپنی غیر قانونی حراست کو حراست کو مسترد کر تے ہوئے احتجاجی بھوک ہڑتال کا اعلان کیا تھا جس کے نتیجے میں اگست 2021ء سے الخلیل شہر سے تعلق رکھنے والے فلسطینی قیدی خلیل عوادہ گذشتہ 104روز سے بغیر کچھ کھائے بھوک ہڑتال پر قائم ہیں جبکہ دوقو کے رہائشی دوسرےاسیر رائد ریان کو اپنی احتجاجی ہڑتال شروع کیے ہوئے 69 روز گزر چکے ہیں جس کے باعث دونوں اسیران کی صحت نہایت خراب صورت حال اختیار کر گئی ہے تاہم قابض انتظامیہ کی جانب سے ان بے گناہ اسیران کی رہائی کے لیے کوئی احکامات تاحال جاری نہیں کیے گئے ہیں۔
قیدی کلب نے بتایا کہ قابض فوج نےدونوں فلسطینیوں کو انتظامی حراست کے تحت ان کے گھروں سے گرفتار کیا تھا جس کے بعد سے انہیں اسرائیلی جیل میں بدترین تشدد کا نشانہ بنایاگیا اور انکے خاندان سمیت وکلاء سے بھی ملاقات پر پابندی عائد کر دی گئی تھی جس کے نتیجے میں اسیران کی جانب سے بھی اپنی ناجائز حراست کو مسترد کرتے ہوئے احتجاجی بھوک ہڑتال کا اعلان کیا تھا جسے بدترین صحت کے باوجود اسیران اپنی بلا جواز قید سے رہائی تک ہر حالت میں جاری رکھنےکے فیصلے پر قائم ہیں اور ان کا کہنا ہے کہ صہیونی جیل سے آزادی یا پھر موت اس احتجاج کا خاتمہ ہوگی۔