(روز نامہ قدس ۔آنلائن خبر رساں ادارہ ) صہیونی مسلح اہلکاروں نے بغیر کسی جرم کے نوجوان کو اس کے گھر سے وحشیانہ تشدد کر تے ہوئے نامعلوم مقام پر 4ماہ تک تفتیش کے بہانے انسانیت سوز سزائیں دیں۔
ذرائع کے مطابق گذشتہ روز قابض صہیونی ریاست اسرائیل کی غیر قانونی جیلوں سے مقبوضہ بیت المقدس کے رہائشی نوجوان حسن ابو حمدان کو رہائی سے دی گئی جس کے بعدفلسطینی قیدی کے اہل خانہ اور عزیز واقارب نے جیل کے دروازے پر ابو حسن کا استقبال کیا اور خوشیاں منائیں۔
صہیونی جیل سے رہائی پانے والا فلسطینی نوجوان شفعات کیمپ سے گرفتار کیا گیا تھا جہاں وہ اپنے والدین کے ساتھ سکونت اختیار کیے ہوئے تھا، اسرائیل کےمسلح اہلکاروں نے بغیر کسی جرم کے نوجوان کو اس کے گھر سے وحشیانہ تشدد کر تے ہوئے نامعلوم مقام پر 4ماہ تک تفتیش کے بہانے انسانیت سوز سزائیں دیں اور ناکردہ جرائم کا اقرار کر نے پر مجبور کیا تاہم ناکامی کے بعد اسے صہیونی جیل منتقل کر دیا تھا۔