صہیونی جیل میں ایک اور فلسطینی کا احتجاجی بھوک ہڑتال کااعلان

(روزنامہ قدس ۔آن لائن خبر رساں ادارہ) صہیونی جیلوں میں اس وقت 4 ہزار 500 فلسطینی قیدی موجود ہیں جن میں 62 خواتین بھی شامل ہیں جبکہ تقریبا 3 سو افراد ایسے ہیں کہ جن کی قانونی عمر بھی مکمل نہیں ہوئی ہےاور یہاں  فلسطینی قیدیوں کو شدید اور ناقابل بیان ایذا رسانیوں کا سامنا کرنا پڑتا ہے۔

ذرائع کے مطابق قابض ریاست اسرائیل میں بغیر کسی جرم کے صہیونی زندانوں میں قید ایک اور فلسطینی محمود الدبیعی نےاپنی غیر قانونی حراست مسترد کرتے ہوئے احتجاجی بھوک ہڑتال  کاآغاز کر دیا ہے جسے 8 روز گزر چکے ہیں۔

اسرائیلی جیل میں 5 مئی 2022ء کو جنین  پناہ گزین کیمپ سے بغیر کسی الزام کے غیر قانونی طور پرگرفتاری اور جیل میں ہونے والے مسلسل  تشدد کےخلاف اپنی احتجاجی بھوک ہڑتال کو اس وقت تک جاری رکھنے کا اعلان کیا ہے کہ جب تک اسے ان عقوبت خانوں سے رہائی نہیں دی جاتی۔

واضح رہے کہ صہیونی جیلوں میں اس وقت 4 ہزار 500 فلسطینی قیدی موجود ہیں جن میں 62 خواتین بھی شامل ہیں جبکہ تقریبا 3 سو افراد ایسے ہیں کہ جن کی قانونی عمر بھی مکمل نہیں ہوئی ہےاور یہاں  فلسطینی قیدیوں کو شدید اور ناقابل بیان ایذا رسانیوں کا سامنا کرنا پڑتا ہے۔