(روزنامہ قدس ۔آن لائن خبر رساں ادارہ) صہیونی وزیر اعظم نےکہا کہ ہمیں امید ہے دُنیا ایران کو برداشت نہیں کرے گی باوجود اس کے ہمیں ایک پیچیدہ دور کا سامنا ہے لیکن یہ بات واضح ہے کہ ایرانی حکومت زوال کے عمل سے گزر رہی ہے.
تفصیلات کے مطابق قابض صہیونی ریاست اسرائیل کے وزیر دفاع بینی گینٹز نے ایک سیکیورٹی کانفرنس سے خطاب کرتے ہوئے ایران پر الزام عائد کیا ہے کہ چاہ بہار اور قشم جزیرہ کے اڈوں سےایران نے بحری اہداف پر حملے کیے ہیں یہ وہ خاص مقامات ہیں جو فوجی ڈرونز کو ذخیرہ کرنے کے لیے بھی استعمال ہوتی ہیں۔
واضح رہے کہ صہیونی وزیر اعظم نفتالی بینیٹ نے بھی دو روز قبل اپنے ایک بیان میں ایران کے حوالے سے بات کر تے ہوئے کہا تھا کہ پچھلی دہائی سے ایران نے اسرائیل کو ملیشیاؤں اور میزائلوں سے گھیر رکھا ہے۔
صہیونی وزیر اعظم نے مزید کہا کہ ہمیں امید ہے کہ دُنیا ایران کو برداشت نہیں کرے گی اس حوالے سے ہمیں ایک پیچیدہ دور کا سامنا ہے البتہ یہ بات واضح ہے کہ ایرانی حکومت زوال کے عمل سے گزر رہی ہےاور وہ وحشیانہ طاقت اور دھمکی کے ذریعے حکمرانی کر رہی ہے۔